16.10.2016 kl. 19:53
Kosningastefnuskrá Framsóknar birt
Kosningastefnuskrá Framsóknar hefur verið birt. Hún er í 11 stuttum liðum sem eru:
- Hagur millistéttarinnar verði bættur enn frekar; neðra skattþrep verði lækkað verulega og persónuafsláttur verður útgreiðanlegur
- Peningastefnuna skal endurskoða, raunvextir á Íslandi þurfa að endurspegla breyttan efnahagslegan veruleika
- Lágmarkslífeyrir aldraðra verði 300 þúsund krónur á mánuði og fylgi lágmarkslaunum á almennum vinnumarkaði
- Byggður verður nýr Landspítali á nýjum stað og framlög til heilbrigðisstofnanna um allt land aukin
- Tannlækningar aldraðra verða gjaldfrjálsar og hjúkrunarrýmum fjölgað um allt land
- Taka skal upp komugjald á ferðamenn sem nýtt verður til innviða
- Fæðingarorlof verði 12 mánuðir og greiðsluþak hækkað í 600 þúsund krónur, barnabætur hækkaðar og barnaföt verði án virðisaukaskatts
- Hluta námslána verður breytt í styrk og sérstök áhersla lögð á að styrkja iðn- og verknám
- Skoðað verði hvort beita megi skattaívilnunum til fyrirtækja og einstaklinga á efnahagslega veikum svæðum á landsbyggðinni
- Unnið skal eftir sóknaráætlun í loftslagsmálum sem er að fullu fjármögnuð til næstu þriggja ára í samræmi við skuldbindingar Íslands í Parísarsamkomulaginu
- Aðstoða ungt fólk með úrræðinu Fyrsta fasteign og öðrum aðgerðum í húsnæðismálum – leiguíbúðir og fjölgun námsmannaíbúða
Sjá nánar hér.
Athugasemdir
Helga Kristjánsdóttir
17.10.2016 kl. 04:41
Þetta lítur vel út,en klúbbur sem ég tilheyri í SV.treystir Sigmundi Davíð betur sem formanni.
Ragnar Geir Brynjólfsson
18.10.2016 kl. 17:16
Takk fyrir innlitið Helga. Umræðan um formannsembættið var útkljáð á síðasta flokksþingi, margir stigu í pontu og lýstu stuðningi við annan hvorn frambjóðandann. Ég man ekki eftir að hafa séð þig þar. Þá var tækifærið og tíminn fyrir þessar yfirlýsingar. Núna er hann liðinn.